first one

مش هتقدر تغمض عنيك
 
الرئيسيةالبوابةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 قصه حب فاشله زى اى قصه حب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو لطفى
Moderator
Moderator
avatar

عدد الرسائل : 348
العمر : 27
تاريخ التسجيل : 21/02/2007

مُساهمةموضوع: قصه حب فاشله زى اى قصه حب   الإثنين مايو 28, 2007 3:03 am


]قرأت اليوم بوست في المدونه الجميله
بعنوان سبب لوقوعك في الحب من غير سبب, عجبتني جدا يمكن لأنها حقيقيه جدا وبتحصل معايا بمنتهي الدقه , ودفعتني وشجعتني علي كتابه سلسله قصص حبي الفاشله اللي تردت كثيرا في كتابتها لكن امرنا لله , واولا عايزكم تعرفوا اني هكتب بمنتهي الصدق والدقة وهبدأ بالتسلسل الزمني من اول قصه حتي الان
مقدمه طبيعيه
اولا انا شخص ملتزم , مش قوي يعني , ممكن تقول شبه ملتزم حاجة زي شبه المنحرف في الهندسه كده وان اي واحده بابدأ أكلمها واحاول ادخل معاها في علاقه فان نتيتي صافيه وبجد اتمني الارتباط بها وليست للتسليه او تقضيه الوقت
ثانيا انا زوقي في البنات صعب جدا , ومبتعجبنيش غير البنت البرفكت الجامده فعلا اللي جمالها يخلي الاعمي يفتح والاخرس يغني علشان كده قصص حبي .... مش عارف ممكن معقده شويه
ثالثا انا هاكتب القصص اللي تمنيت فعلا اني اكمل حياتي مع بطلتها فقط ولن اكتب عن العلاقات الخطافي الطايره لاني لا احب الاستمرار في علاقه لا اتمني لها النهايه الطبيعه
قصه حب فاشله

انا كنت طول عمري مليش في موضوع العلاقات ده حتي في عز فتره المراهقه مفيش مانع اني اعجب بواحده غالبا من نفس الفصل وغالبا بتتغير كل سنه مع تغير الفصول , لكن عمري ما كلمت واحده عن حب او ارتباط او خلافه لدرجه اني اتخانقت قبل كده مع بنتين مره وانا في تالته اعدادي ومره وانا في تانيه ثانوي لانهم كانوا بيحاولوا يقربوا مني جدا وده مش لأني واد تقيل لكن لأني مكانش في دماغي من ناحية وهم مكانوش مطابقين للمواصفات من ناحية اخري
اما عن اول قصة حب تمنيت انها تكمل للنهايه كانت وانا في سنه تانية في الكليه لما اتعرفت عليها كانت ملاك يسير علي الارض في منتهي الرقة والجمال , هي مكانتش معايا في الكليه هي كانت في كلية اداب وفي جامعة تانيه وساكنة في محافظة تانية كمان امها كانت لبنانية وابوها مصري وده يمكن يوضحلكم منتهي الجمال اللي كانت عليه , عشنا مع بعض فترة جميلة للغاية بس للأسف كانت فترة قصيرة جدا حوالي تلات اربع شهور بس لغاية ماحصل الموقف النهائي واللي بسببه انتهت العلاقة
كان بقالي فترة مشفتهاش وطلبت كذا مره منها اني اشوفها لكنها كانت بترفض وتتحجج بحجج واهية وميصدقهاش عيل لغاية ما فيوم قالتلي ان في فرح لواحدة قريبتهم واني ممكن اجي واشوفها في الفرح كان في محافظتها, وفي يوم الفرح رحت غسلت الحتة اللي الحبل وكويت الحتة اللي الحبل وبعدين لبست الحبل معلش قصدي لبست الحتة اللي الحبل ورحت لابس اشيك ساعة عندي وحاطت من اغلي برفام ورحت مطلع اقدم قزازة براندي عندي واللي تاريخا يرجع ل 1901 ورحت واخد منها رشفة ورجعتها الخن تاني , وبعدين نزلت نقيت افخم عربية عندي , علي اعتبار اني عندي كذا واحدة يعني ما انا مش هاقولكم اني نزلت اتبهدلت في المواصلات والهدوم اتكرمشت والبرفام تحول لريحة بنزين وهباب ما علينا , وصلت مكان الفرح وقلبي بيدق خلاص هشوفها بعد فترة وبعد ما وحشتني جدا وفضلت مستني اترقب الوجوه هي دي لأمش دي هي دي لأ مش دي وفضلت مستني مستني مستني لغاية لما قارب الفرح علي الأنتهاء قولت اتصل بيها واتصلت اتصلت اتصلت ملقيتش حد بيرد طبعا اتضايقت جدا ورجعت قفايا يقمر عيش وبعدين فوت يوم والتاني لعلها تتصل تعتذر او تقول اي حاجة ولكن لا حس ولا خبر, رحت متصل بيها لسه بقول الو لقيتها بترد ببهجة وفرح وحنية قلت في سري هي هتعمل دور العبيطة ولا ايه؟ رحت متدهاش فرصة وقعدت اديها علي دماغها لغاية ما طلعت شعلة الغضب اللي جوايا ورحت قافل السكة ومن ساعتها لا كلمتها ولا اعرف حاجة عنها
ولكني لحد الان ندمان اني مسمعتش منها ومسبتلهاش فرصة تدافع عن نفسها ,وكتير بفكر اتصل اعرف اخبارها علي الاقل لكن كرامتي بتنقح عليا

_________________




 





 

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احمر شفايف
مشرف ماسى
مشرف ماسى
avatar

عدد الرسائل : 857
العمر : 32
تاريخ التسجيل : 10/03/2007

مُساهمةموضوع: رد: قصه حب فاشله زى اى قصه حب   الإثنين مايو 28, 2007 4:04 am

ههههههههههههه لا كفاءه ههههههههههههه

_________________
والله ماقصرت يوما وما كل الجواد عن السباق
ولكني بليت بسوء حظ كما تبلي الجميلة بالطلاق


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابو لطفى
Moderator
Moderator
avatar

عدد الرسائل : 348
العمر : 27
تاريخ التسجيل : 21/02/2007

مُساهمةموضوع: رد: قصه حب فاشله زى اى قصه حب   الإثنين مايو 28, 2007 4:10 am

اى خدمه يا صحبى انت بس تامر
اهم حاجه عندى انك متزعلش

_________________




 





 

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصه حب فاشله زى اى قصه حب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
first one :: منتدى الحب والغرام :: قسم قصص الحب-
انتقل الى: