first one

مش هتقدر تغمض عنيك
 
الرئيسيةالبوابةاليوميةمكتبة الصورس .و .جبحـثالتسجيلقائمة الاعضاءالمجموعاتدخول

شاطر | 
 

 أسئلة بديهية مالهاش اي لزمة في الدنيا, بس جميله, جامده موووت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sweetyemoo
مشرف ذهبى
مشرف ذهبى


عدد الرسائل : 329
تاريخ التسجيل : 06/02/2007

مُساهمةموضوع: أسئلة بديهية مالهاش اي لزمة في الدنيا, بس جميله, جامده موووت   الخميس يونيو 21, 2007 9:15 pm

فيه أسئلة بديهية مالهاش اي لزمة في الدنيا
بنتعرّض ليها كل يوم من كل الناس
خلـونـــا نشــوف أمثلة

***********
إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام

***********

انتم معزومين عند ناس ورحتو لبيتهم وأول ما فتحولكوا الباب يقول
ابنهم الصغير: انتوا جيتــواااااااااااااااا ؟

(( لا لسه ))

***********

والعكس : انت لابس هدومك و متأنتك و على سنجة عشرة وحاطط البارفان
وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دا أنا لسه راجع ))

***********
أو مثلا راكب العربية ودوّرتها وخلاص هتطلع ... يجيلك لك البواب
ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))

***********
مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟

(( لا.. بتفرّج عليه ))

***********

مثلا : ماسك مذكرة أو كتاب وقاعد تحفظ ومتحمس (أول مره بقى) ..
جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))

***********

ربنا هاديك كده ... ماسك سبحة و عمال تسبّح ، يجي حد من البيت
يعدي عليك ويقول: هوّه انت بتسبح ؟

(( لاء.. هفرطها ))

***********

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة :
إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))

***********

أو مثلا في العيد
المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و أصحابك ههه
وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم
كل عام وأنتم بخير


(( أكيد يعني مش هيقولهم البقاء لله ))

***********

المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في
الشوارع و تفسحوا أولادكم ونتصل بالمعارف نعيّد عليهم و نقولهم
كل سنة وإنتوا طيبين

(( سبتيله ايه يقوله يارخمة ؟ ))

***********
والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لا
***********
وانتاا اقعد كدة والدنيا بتمطر برة ..يجى حد ظريف كدة ويقولك هياا الدنياا بتمطر برة

ببقى عاوز اولع فية واقولواا بزمتك هياا كانت عمرهاا مطرت جوة هههههههه


بس بجد اية رأيكم في الموضوع دة؟؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أسئلة بديهية مالهاش اي لزمة في الدنيا, بس جميله, جامده موووت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
first one :: منتدى الرجال :: منتدى الرجال العام-
انتقل الى: