first one

مش هتقدر تغمض عنيك
 
الرئيسيةالبوابةاليوميةمكتبة الصورس .و .جبحـثالتسجيلقائمة الاعضاءالمجموعاتدخول

شاطر | 
 

 ازاى تعكنن على مراتك عشر اسباب بس اية !!!!!!!؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sweetymoaa
مشرف ذهبى
مشرف ذهبى


عدد الرسائل : 182
تاريخ التسجيل : 08/02/2007

مُساهمةموضوع: ازاى تعكنن على مراتك عشر اسباب بس اية !!!!!!!؟   الجمعة فبراير 09, 2007 1:51 am

الطريقة الأولى
الصبح وانت رايح على شغلك وهى نايمة تعمد اسقاط اى شيئ او خبط الباب
بصوت عالى علشان تصحيها هى كمان .. اشمعنى انت ؟ ولو حاولت ترجع تنام تانى
قولها مادام صحيتى حضري الفطار بقى


الطريقة الثانية
اذا كنت بتتفرج على التلفزيون وهى عايزة تغير القناة .. قالها معلش
الحلقة دى مهمة جدا واحد صحبى شافها على القناة الفضائية وقالى ان
الحلقة دى هى المسلسل كله .. ولو كنت بتتفرج على ماتش كورة
هيبقى الموضوع اسهل .. كل ما حد من اللاعبين من اى فريق يمسك الكورة قالها
معلش ثوانى بقى انا حاسس ان الكورة دى جون حتى لو كان حارس المرمى ماسك الكورة
والماتش واقف لان فى واحد مصاب ( ملحوظة : اغلب النساء ذو ثقافة كروية ضعيفة )


الطريقة الثالثة
اصح يوم الجمعة بهمة ونشاط وجهز الافطار لزوجتك بس متنساش انك تستخدم
15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات
لاعداد طبق بيض وسندوتش جبنة طبعا يراعى ترك اثار سمنة على الارض مع ترك التلاجة مفتوحة
وقشر البيض فى الحوض


الطريقة الرابعة
فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟
اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة


الطريقة الخامسة
لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات
يراعى التجول وانت مستمتع بأكل الجاتوة امامها


الطريقة السادسة
متنساش رأيك فى طبيخها لو عاملة لحمة قالها حلو اوووى الفراخ دى ..ولو طبخة بامية
.. جميلة اوى الملوخية دي ياحياتي حطة عليها اية ؟؟ ولو عملة كيكة قالها
انا بحب اشرب شاى مع البسكويت الحلو دة !!


الطريقة السابعة
لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل
عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟
اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !


الطريقة الثامنة
لو الزوجة قررت مسح الارضيات فى البيت حاول انك تروح وتيجى على المناطق المبلولة
متحجج بأنك محتاج تتصل ضرورى بواحد صحبك ومرة عطشان
ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية


الطريقة التاسعة
لو كانت مشغولة فى نظافة البيت او مع الاولاد وطلبت منك تغسل كوبتين
الشاى بتوع الصبح الموجودين فى الحوض ارجعلها كمان دقيقة من دخولك المطبخ
وانت ماسك كوباية من الاتنين وهى مكسورة واسألها فى براءة ارمى دى فين


الطريقة العاشرة
وانت قاعد تتفرج على التلفزيون وهى طالع عينها فى تنظيف البيت وبعد ما
تخلص وتيجى يدوبكك تقعد تستريح جنبك بصلها وقالها حبيبتى معلش ممكن
كوباية مية علشان ضهرى بيوجعنى


__________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.firstone2007.tk
محمد دياب
رئيس المنتدى


عدد الرسائل : 406
العمر : 30
تاريخ التسجيل : 05/02/2007

مُساهمةموضوع: رد: ازاى تعكنن على مراتك عشر اسباب بس اية !!!!!!!؟   الجمعة فبراير 09, 2007 5:21 am

والله افكار نيره انا لما اتجوز هعمل كده
بس سؤال لو جوزك عمل معاكى كده
اكيد هتكتبى الموضوع التانى الى هوة
ازاى تعكننى على جوزك عشر اسباب بس اية !!!!!!!؟
وهيكون فيها كياس بلاستك وسواطير وميه نار وليله ما يعلم بيها الا ربنا

[center]
[scroll]
[right]

_________________



ImageChef.com - Custom comment codes
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://firstone.my-free-forum.com
 
ازاى تعكنن على مراتك عشر اسباب بس اية !!!!!!!؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
first one :: المنتدى الترفيهى :: قسم النكت والفكاهه-
انتقل الى: